ವಿದಾಯ

ನಿಯತಿ ಕಂಡ ದುರಂತಕ್ಕೆ ನನ್ನ ತಪ್ಪೆಲ್ಲಿ

ತುಂಬುವೆ ಎಲ್ಲಿ ನೀನು ಆ ದುಃಖದ ಸರಿತೂಕ

ಭಕ್ತಿ ಭಯ ಸತ್ತಿವೆ ನನ್ನಲ್ಲಿ ನಿನಗೆಂದು ಪ್ರಶ್ನೆಗಳಷ್ಟೆ ಉಳಿದಿವೆ

ಮನಸ್ಸಿನ ಪ್ರತಿಭಟನೆಯಿದು ನಿನ್ನನ್ನು ನಾನೇಕೆ ಪೂಜಿಸಲಿ

ಸಾಕಿನ್ನು ಅಭಿಮಾನವಿಲ್ಲದೆ ನಿನ್ನನ್ನು ಧ್ಯಾನಿಸಲಾರೆ

ಮುಗಿಯಿತು ನಮ್ಮ ನಂಟು ನಿನಗೆ ದೈವ ಎನ್ನಲಾರೆ

--ಮನು     

ನೀನೇನಾ ಭಗವಂತಾ!!!

ಜಗಕುಪಕರಿಸಿ ನನಗಪಕರಿಸೋ ನೀನಾ ಭಗವಂತಾ

ಹೂ ಸೌಗಂಧವ ಲೇಪಿಸಿ ಹಾಡಿ ಕರೆದರು ಕರುಣಿಸೆ ಕೃಪೆಯಿಲ್ಲ

ಜಗದೋದ್ಧಾರಕ ನೀನೇನಾ, ನೀನೇನಾ
ಒಡ ಹುಟ್ಟಿದವಳ ಬದುಕಲ್ಲಿ ಇರುಳು ಮೂಡಿಸಿದೆಯಲ್ಲಾ

ಜಗಕುಪಕರಿಸಿ ನನಗಪಕರಿಸೋ ನೀನಾ ಭಗವಂತಾ

ನಶ್ವರ ಭೋಗದ ಆಸೆ ಕಡಲಲಿ ತೇಲಿಸಿ ಮುಳುಗಿಸಲೇಕಯ್ಯ

ಅಂತರ ತಿಳಿಯದೆ ಪಾಲಿಸುವವಗೆ ದೈವೋತ್ತಮ ಬಿರುದೇಕಯ್ಯ

ಧರ್ಮ ಕರ್ಮಗಳ ಕಣ್ಣು ಕುರುಡಾಯಿತೇ
 ಕರುಣೆ ಮಮತೆ ಹಸುಳೆಗೆ ಬೇಡವೆನಿಸೀತೇ
ನೀ ಕೊಟ್ಟಂತಹ ಅಂತ್ಯಕ್ಕೆ ಇರಲಿ ನಿನ್ನಲಿ ಪ್ರೀತಿ

ಇರುವೆ ಎಲ್ಲಿ ಶೂನ್ಯ ಜಗದಿ

ಜಗಕುಪಕರಿಸಿ ನನಗಪಕರಿಸೋ ನೀನೇನಾ ಭಗವಂತಾ

--ಮನು

ಹೀಗೊಂದಿಷ್ಟು ರುಚಿಕರ Hotelಗಳು ಬೆಂಗಳೂರಿನಲ್ಲಿ... Next Time ಆ ಕಡೆಗೆ ಹೋದಾಗ ಹಮ್!!! '